இனியொரு விதிசெய்வோம்
இன்முகத்துடன் அதை ஏற்போம்
இறைவன் படைத்தான் இயற்கை
இதயமின்றி கெடுத்தோம்
அதனழகை
உழுகின்றவனுக்கு நிலம் சொந்தம்
என்கின்ற நாம்
வாழும்உயிரினங்களின்
இடம் அதற்கு சொந்தம்என்பதை
மறந்தோம்
பாழும் கொரானா கிருமி தாக்கிட
மனிதகுலம் நடுங்கியே அஞ்சும்
விழுகின்ற மாந்தரும் போக்கிடம்
ஆயினர் வீட்டினில் தஞ்சம்
ஆலைகள் ஓய்ந்தன
வேலைகள் நின்றன
சாலைகள் வெறிச்சோடின
சோலையாய்இல்லம் ஒளிர்ந்தன
பறவைகள் தன்னிடம்விட்டுவந்தன
இரைதேடி சுதந்திரமாய் பறந்தன
நீர்நிலைகளில் மீன்களின் ஆட்டம்
நிலங்களில் கால்நடைகள்
கொண்டாட்டம்
ஊஹானில் துவங்கியது
இந்த உயிர்யுத்தம்
ஓ ஓ வென உலகின் நாடுகளில்
எழுந்தது பெருஞ்சத்தம்
ஓடியோடி உழைத்ததால்
ஓய்ந்தது இன்று உலகம்
தேடியவளம் குறையவே உலகில்
தேய்ந்தது பொருளாதாரம்
தொட்டுவிட தொடர்கிறது கண்
பட்டுவிட படர்கிறது
தொடங்கிய இடம் மட்டுமன்றி
தொடர்ந்தும்
நாடுகளில்வாழ்கிறது
தடுத்திட தடுப்பேதும் இல்லை
தடுப்பாட்டம் ஆட முயல்கிறோம்
தடைகளாய் ஒருசிலர்
சுற்றுகின்றார்
அடைபட்டோர்சுகமாய்
இருக்கன்றார்
நோய் கண்டனர் இலட்சத்தில்
உயிர்மாண்டனர் நோய்உச்சத்தில்
அதில்மீண்டனர் மிகசொச்சத்தில்
நலம்நாடுவோர் அவரவர்
இல்லத்தில்
அரசு எடுக்கும் முயற்சி பரிகாரம்
தேடி
அரசுத்துறையினர் துணையிருப்பர்
அதை நாடி
அடக்கிடுவோம் நோயை அடித்து
விரட்டி
அவனியைக் காப்போம்
தனிமனிதனைக் கட்டுப்படுத்தி
